Monday, October 26

‘यसपटक जो जहाँ छौं, त्यहीँ दशैं मनाऔं’…!

October 4, 2020 83

काठमाडौं – कोरोना भाइरसको संक्रमणको जोखिम बढ्दै गइरहेका बेला सरकारले सर्वसाधारणलाई जो जहाँ छ, त्यहीँ बसेर यो वर्षको दशैं मनाउन आग्रह गरेको छ ।

दशैं मनाउन घर फर्किने तयारीमा रहेकालाई जहाँको त्यहीँ बसेर दशैं मनाउन सरकारले आग्रह गरेको हो । संघीय राजधानी काठमाडौं कोरोनाको हटस्पट बनिरहेको छ । सरकारले यसअघि अत्यावश्यक कामबाहेक कोही पनि काठमाडौं प्रवेश नगर्न आग्रह गरेको थियो ।

स्वास्थ्य तथा जनसंख्या मन्त्रालयका प्रवक्ता प्राध्यापक डाक्टर जागेश्‍वर गौतमले आइतबारको नियमित पत्रकार सम्मेलनमा ओहोरदोहोर गर्दा कोरोना गाउँ गाउँ पुग्‍न सक्ने भएकाले यसपटक जो जहाँ छ, त्यहीँ दशैं मनाउन आग्रह गरेका हुन् ।

‘कोरोना संकट गहिरिँदो छ, त्यसैले यो वर्षको दशैं जहाँ बसेका छौं, त्यहीँ रहेर मनाऔँ’, उनले भने, ‘यो सबैलाई आग्रह हो । यस पटकको दशैँमा घर जान बल नगरौं।’

साथै उनले स्वास्थ्य मापदण्ड पालना गर्न र लापरवाही नगर्न आग्रह गरे। ‘हामीले अनुनय विनय गरिरहेका छौं । जनस्वास्थ्यका मापदण्ड पालना गर्न भनिरहेका छौं’,उनले भने ।

प्रवक्ता गौतमले स्वास्थ्यको मापदण्ड पालना नगर्नेलाई जरिवाना तिराउने पनि बताए । उनले मास्क नलगाउने तथा अन्य मापदण्ड पालना नगर्नेलाई जरिवानाको व्यवस्था गरिएको बताए ।[][]

प्रतिकृया दिनुहोस्